Allerruk berdindu, eta Jaixkik galdu
Allerruren gizonen talde nagusiak husnakoa egin zuen Añorgaren zelaian; Jaixkik ezin izan zuen garaipena lortu liderraren kontra (2-4).
Allerruren gizonen talde nagusia. Argazkia: Allerru KE. Asteburu gris samarra lehian ari diren Lezoko bi kirol taldeentzat. Allerruren gizonen talde nagusiak husna berdindu zuen larunbatean Añorgaren etxean, eta areto futboleko Jaixkik galdu, etxean, Mondrateren kontra (2-4).
Allerruko Erregional Ohorezko Mailako taldeak ligari berrekin zion larunbatean Añorgaren zelaian, Rezolan. Urritik ez zutela partidarik jokatu, pandemiaren murrizketengatik. Husnakoa ontzat eman daiteke ikusita hainbat hilabete egin dituztela jokalariek geldirik. Lehen partidako eta larunbateko berdinketekin, bi puntu dauzka sailkapen nagusian Allerruk.
Jaixki AFTk, Euskal Ligakoak, 2-4 galdu zuen Mondrateren kontra larunbatean Bekoerrotan. Multzoko lider dira arrasatearrak, nabarmen gainera. Aurkari indartsua aurrean izanik, den-dena eman zuten lezoarrek garaipenaren bila joateko, baina ezin. Bere multzoko bigarren da Jaixki 11 partida jokatu eta 19 punturekin. Hirugarren eta laugarren doazen bi taldeek ere 19na puntu dituzte, baina partida gutxiago dituzte jokatuak.
