Pasaia KE eta Antxo AF: asteburuko emaitzak
Areto futboleko gizonek galdu eta hamaikakoek berdindu dute. Bi omenaldi berezi egin dituzte Bujanda eta Ledesma gogora ekarriz.
Antxo AFk 5-3 galdu zuen igandean Pio Barojan. 
Areto futboleko gizonek jokoan zeuden hiru puntuak galdu dituzte asteburuan: “Beste behin ere ez gara fin ibili porteria aurrean eta porrot gogorra jasan dugu”, aitortu dute. Antiguokok 5 gol markatu zituen, eta pasaitarrek 3. Partida hasieran minutu bateko isilunea egin zuten Antxoko Juanjo Bujanda eta Josetxo Ledesmaren omenez.
Hamaikakoek bana berdindu zuten igandean Basaurin, sailkapeneko lehen postua mantenduz. Taldekideek emaitza begi onez ikusi dute: “Irabazten ez bada, garrantzitsua da ez galtzea. Puntu berria zuri-gorrientzat”.
Lehen faseko azken jardunaldia izango da datorren asteburukoa. Gaur-gaurkoz, honakoa da egoera: Pasaia KE multzoko lehen postuan dago, bigarrenei (Urduliz) puntu bakarreko abantaila aterata. Hurrengo partida erabakigarria izango da buruzagitza bermatu edo galtzeko. Antxo AF laugarren postuan da; irabaziko balute, podiumean sar lirateke areto futboleko gizonak lehen fasea amaituta.
