Bertso saioa eskainiko dute Donibanen, m8-ko egitarauaren baitan
Bixi Bixi elkarteak bertso saio musikatua antolatu du martxoaren 6rako -larunbata-, Juanba Berasategi aretoan. Sarrerak sei eurotan daude salgai.
Bixi Bixi elkarteak, Pasaiako Mugimendu Feministarekin batera martxoaren 8rako antolatutako egitarauaren baitan, bertso saio musikatua prestatu du martxoaren 6rako.
Emanaldia Donibaneko Juanba Berasategi aretoan izango da, 18:00etan. Sarrerak Berezi okindegian eros daitezke sei eurotan.
Hona hemen bertso saioaren gaineko informazio esanguratsua:
- Bertsolariak: Miren Amuriza eta Nerea Ibarzabal.
- Musikariak: Eneko Sierra eta Beñat Antxustegi.
- Jai jartzailea: Donibane Azkarate.
