Trintxerpe eta San Pedroko hainbat eremu itxiko dira 'Maixabel' filmatzeko
Astelehenean Esnabide eta Ulia kaleetako nahiz Andonaegiko hainbat gunetan ezin izango da aparkatu. Trafikoa ere etengo dute tarteka.
Ulia etorbideko hainbat zonaldetan ezin izango da aparkatu astelehenean. 
Maixabel pelikularen filmaketa dela eta, martxoaren 1ean -datorren astelehenean- Trintxerpe eta San Pedroko eremu batzuk hesituko ditu udalak. Honako hauek dira:
- Esnabide kalean ezin izango da aparkatu goizeko 7:00etatik aurrera, Marinelen kalearekin gurutzatzen den lekutik, 26. zenbakira arte, gutxi gorabehera.
- Ulia etorbideko 13., 15. eta 17. zenbakien parean nahiz 2-8 zenbakien parean ezin izango da aparkatu 9:00etatik aurrera.
- Andonaegiko eremu batzuetan ezin izango da aparkatu 9:00etatik aurrera.
- Esnabiden eta Ulia etorbidean trafikoa eten egingo da tarteka, hartualdietan.
Leku guztietan dagozkien ordutegiak dituzten hesi eta kartelak jarriko dituzte udaleko langileek, eta egunean zehar kaleak irekitzen joango dira, filmaketa lanak amaitu ahala.
