Abaraxkan bihar ospatuko dute Emakumeen Eguna
Ludoteka tratu onaren txokoa dela eta, kanpoaldea txukunduko dute. Arropa zaharra eramateko eskatu dute, eta aurretik tokia hartu beharko da.
Abaraxka ludotekak bihar, hilak 6, ospatuko du Emakumeen Nazioarteko Eguna. Abaraxka tratu onaren txokoa da, eta hori adierazten duen irudia apainduko dutela jakinarazi dute. Arropa zaharra eramateko eskatu dute.
16:30ean elkartuko dira. Lehen Hezkuntzako haurrei begirako jarduera izango da, eta, edukiera dela eta, aldez aurretik hartu beharko da tokia. 645 00 54 96 telefono zenbakira deitu beharko da horretarako.
