Arrazakeriaren aurkako martxa egingo dute igandean Trintxerpetik
Azokatik ekingo diote bideari 11:30ean arrazakeriaren eta xenofobiaren kontrako pausoak emanez. Donostiako Boulevardera arte joango dira.
Arrazakeriaren Aurkako Nazioarteko Egunaren baitan -hilak 21-, martxa egingo dute datorren igandean Trintxerpetik Donostiara. Lehen pausoa 11:30ean emango dute, Pasaiako barrutiko azokatik abiatuta; aurreikusi dute 13:00ak aldera hiriko Boulevardean dagoen kioskora helduko direla.
Gipuzkoako SOS Arrazakeriak Usandizaga ikastetxeko diseinuko ikasleek antolatutako topaketa magalpetu du. Zure papera garrantzitsua da lelopean, urteroko martxa egingo dute aurten Pasaiatik hiriburura, indarrean dauden osasun neurriak errespetatuz, betiere.
Ikasleak kanpaina indartzeko jazarpenak sufritu dituztenen testigantzak jasotzen ari dira. Oraindik egin daitezke ekarpenak euren Instagrameko kontuaren bitartez, ahots gehiagoren bila baitabiltza.