'Zaintzak: EZINbesteko eta ikusEZIN. Aldaketako gakoak' hitzaldia, gaur
Marina Sagastizabal eta Miren Arangurenek hitzaldia emango dute gaur arratsaldean, udaletxeko pleno aretoan, jarduera feministen barruan.
Emagineko Miren Aranguren izango da hizlarietako bat. Oiartzungo Feministen Asanbladak eta udalak elkarlanean, jarduera feministak antolatu dituzte martxo guztirako. Gaur arratsalderako hitzaldia antolatu dute. Pleno aretoan izango da, 18:30ean hasita.
Zaintzak: EZINbesteko eta ikusEZIN. Aldaketako gakoak izeneko hitzaldia emango dute gaur arratsaldean, pleno aretoan. Marina Sagastizabal Hiruki gatazkatsua izeneko liburuari buruz arituko da. Miren Aranguren Emagin formazio feminista ematen duen elkarteko kidea izango da beste solaskidea.
Jarduera feministen barruko datozen ekitaldiak honakoak izango dira:
Hilak 23, asteartea
- Salda badago! Euskal Herriko V. jardunaldi feministak liburu-aurkezpena (udaletxeko areto nagusian, 18:30).
Hilak 26, ostirala
- Zinegoak LGBT Nazioarteko Jaialdian erakutsi diren film laburren emanaldia (udaletxeko areto nagusian 18:30 eta on-line).
Martxoan zehar
- Gurasoentzako hezkidetza tailerrean izen-ematea.
