2021eko Kirol Sarirako hautagaiak proposatu daitezke
VI. Kirol Saria nork eramango duen proposa ditzakete herritarrek, apirilaren 13ra arte. Aurtengo Kirol Astea maiatzaren 8tik 15era izango da.
Iazko Kirol Saria Alain Isasak jaso zuen (zutik, erdian, alkandora urdinarekin). 
Iazko Kirol Saria Alain Isasak jaso zuen (zutik, erdian, alkandora urdinarekin).
Oiartzungo Udalak VI. Kirol Saria emango du aurten. Aurreko urteetan bezala, herritarrek beren proposamenak egin ditzakete. Helburua da Oiartzunen kirol arloan egindako ibilbideagatik, lortutako emaitzengatik edo kirola sustatzeagatik nabarmendu diren oiartzuarrak saritzea.
Proposamenak egiteko epea apirilaren 13ra arte egongo da irekita. Aurreko urteetan ez bezala, aurten online bakarrik egin ahal izango dira proposamenak. Horretarako galdetegi hau bete beharko da.
Proposamen horiek jasota, VI. Kirol Saria jasoko duena nor izango den Oiartzungo Udalak eta herriko kirol elkarteek osatzen duten batzordeak erabakiko du.
Aurtengo Kirol Astea maiatzaren 8tik 15era izango da, eta hor barruan banatuko da VI. Kirol Saria (maiatzaren 14an).
Palmaresa
-
2016: Girizia elkartea (elkarteko kirol sailak).
-
2017: Periko Sanroma (Haurtzaro Atlestimo taldeko sortzailea).
-
2018: Artaso elkartea (xanistebanetako auzo arteko sokatira txapelketaren antolatzailea).
-
2019: Ane Asensio (atletismo egokitua).
-
2020: Alain Isasa (kenpo kai).
