85,5 kilo hondakin bildu dituzten ibai bazterrean, Altzibarren
Mater Ontzi Ekoaktiboak antolatuta, auzolana egin dute Oiartzun ibaian. 26 boluntarioren artean jaso dute zaborra.
Plastikoa izan da gehien jaso dutena. Mater Ontzi Ekoaktiboak auzolana deitu zuen larunbaterako, eta 26 lagun elkartu ziren bertan. Oiartzun ibaiaren ertzak garbitzeko asmoarekin, Altzibar auzoan aritu ziren lanean jo eta ke.
Guztira 85,5 kilo hondakin atera zituzten ibai bazterretik. Gehienak plastiko zati txikiak izan zirela jakinarazi dute Materrekoek. Honela banatu ziren hondakinak:
- 326 plastiko zati txiki, 2,5 eta 50 zentimetro artekoak.
- 247 gozoki hondakin: poltsak, bilgarriak, makilak…
- 115 erosketa poltsa, janariak, izoztuak…
- 107 plastikozko objektu identifikagarri.
- 84 elikagaien bilgarriak.
- 72 paper eta kartoi zatiak.
- 71 edateko lata.
- 0 eta 2,5 zentimetro arteko 51 plastiko zatitxo.
- 41 ehungintzako zein beste hainbat produktu.
- 37 edateko botilak.
-
