Antxoko bulebarraren proposamena Diputatuen Kongresura eraman dute
Udalaren "axolagabekeria" ikusita, aurrerapausoa eman du Tren Berriaren Plataformak. Gaur berriro elkartuko dira, 20:00etan, Gure Zumardian.
Herri proposamenari babesa erakusteko ostiralero 20:00etan elkartzen dira antxotarrak Gure Zumardian, herria zeharkatzeko gero. 
Pasai Antxoko Tren Geltoki Berriaren Plataformak ohar bat helarazi dio HITZAri; honakoa da, hitzez hitz, euskarara ekarrita:
Pasai Antxoko Tren Geltoki Berriaren Plataformak jakinarazi nahi die pasaitarrei alkateak nahiz Pasaiako Udalak erakutsitako axolagabekeria, gelditasun eta inplikazio ezaren aurrean herri proposamenari dagokionez -Antxon bulebar bat sortzeko-, nahiz euskal instituzio guztien interes ezagatik, plataformak aurrerapauso bat ematea erabaki duela.
Gipuzkoako diputatu guztiekin jarri gara harremanetan, baita Espainiako Diputatuen Kongresuko talde parlamentarioekin ere, galdegiteko beharrezko ekintzak gauzatu ditzaten Espainiako Garraio Ministerioaren aurrean -harena baita ADIF-, herri proposamena defendatu eta bultzatzeko.
Gure plana bat dator 2016ean Eusko Jaurlaritzak Donostialdea-Behe Bidasoarako jaso eta onartutako plan proposamenarekin. Proiektuak birsorkuntza urbanoa eta Antxoko suspertze ekonomikoa ekarriko luke, barrutiak inbertsio eta hirigintza hobekuntza soberan ezagunak behar dituenez gero.
Plataformatik dei egiten diegu pasaitarrei programatutako mobilizazioetan parte har dezaten [ostiralero elkartzen dira, 20:00etan Gure Zumardian, hileroko azken ostirala izan ezik], herri proposamena defendatzeko gure herriaren etorkizunerako.
