Etzi egingo dute plenoa, eukaliptoaren gaineko mozio batekin
Oiartzungo Udalbatza asteazken arratsaldean elkartuko da. Hemezortzi puntu aztertuko dituzte; tartean, laikotasunari buruzko beste mozio bat.
Astezkenean biltzeko deituta daude zinegotziak. Oiartzungo Udalbatza datorren asteazkenean, hilak 28, elkartuko da apirilari dagokion ohiko udalbatzarra egiteko.
Bi mozio landuko dituzte, biak EH Bilduk eramandakoak. Alde batetik, Naturkonek osatutako mozioa, eukaliptoen landaketari dagokiona. Bestetik, laikotasuna aztertuko duen bat.
Plenoa 18:00etan hasiko da, udaletxeko pleno aretoan. Honakoa izango da gai-zerrenda osoa:
-
Aurreko batzarrari dagokion aktaren onarpena.
-
EH Bildu udal taldeak bereganatutako Eukalipto landaketen moratoria izeneko
Naturkonen mozioa.
-
EH Bildu udal taldeak bereganatutako “Laikotasuna helburu. Berdintasuna bermatu, askatasuna bermatu: laikotasuna” izeneko mozioa.
-
2021 urterako Oiartzungo Udaleko Arau-Planaren onarpena.
-
Oiartzungo udal hilerriaren eta beilatoki-zerbitzuaren funtzionamendua arautzeko erregelamenduaren hasierako onarpena.
-
2021 urteko Kontratazio Planaren onarpena.
-
Ertzaintza eta Udaltzaingoa elkarlanean aritzeko Euskal Autonomia Erkidegoaren Administrazioaren eta Oiartzungo Udalaren arteko lankidetza-hitzarmen markoaren onarpena.
-
Artikutza bidea 26an dagoen Haize-Gain baserriaren emakida arautzeko Gipuzkoako
Foru Aldundia eta Oiartzungo Udalaren arteko akordioaren onarpena.
-
Lanbarren poligonoaren garapenerako eraikitako GI-3632 errepidearen eustorma konpontzeko Gipuzkoako Foru Aldundia, Oiartzungo Udala eta Lanbarren Parke Logistikoa S.A.ren arteko hitzarmenaren onarpena.
-
Oiartzungo ikastetxeei 20-21 ikasturteko E1 eskola kirola, eskola pilota, Muittu! eta eskola orduz kanpoko ekintzen koordinazio egitasmoak sustatzeko hitzarmenen onarpena eta diru laguntzen ebazpena.
-
Hainbat programa gauzatu ahal izateko Udala eta Ttur-ttur Euskaltzaleon Bilgunearen arteko hitzarmenaren baitan, 2020ko memoria eta kitapena aurkeztea eta 2021eko ekarpena onartzea.
-
2021 urtean Udalak onartutako kirol diru laguntzen harira kirol-kluben eta -elkarteen
funtzionamendurako gastuen eskaeren ebazpena.
-
2020ko Finantza Kontrolerako Planetik eratorritako txostenaren eta ekintza planaren berri ematea.
-
Kontabilitatean onartutako hainbat eskubide baliogabetzea.
-
Beste ekitaldietako ordainagiriak baliogabetzea eta hala dagokionean diru-kopuruak itzuli edota ordezko agiri zuzenak igortzea.
-
2021ko lehen hiruhilekoari dagokion aurrekontuaren exekuzioaren, aurrekontuz kanpoko mugimenduen eta diruzaintzaren egoeraren berri ematea.
-
Beste organoen jardueraren jarraipena.
-
Eskari-galderak.
