Internazionalismoaren gakoak Gaztañon, Askapenaren eskutik
Internazionalistak garelako, lehen urratsa Euskal Herria goiburua duen hitzaldia 19:00etan izango da Gaztañoko Auzo Elkartearen lokal berrian.
Askapenaren hitzaldia izango da bihar Gaztañon. Hilabete batzuk hitzaldirik antolatu gabe eman ostean, berriro berrartu ditu Gaztañoko Auzo Elkarteak. Internazionalismoaren gakoak, elkartasuna, herrien defentsa… izango dituzte hizpide bihar antolatu duten hitzaldiaren harira. Askapena Euskal Erakunde Internazionalistako kide batek aletuko ditu kontzeptu horiek guztiak. Euskal Herriaren nazio askapen eta askapen sozialaren alde lan egiten du erakundeak, eta inperialismoaren eta globalizazioaren aurka aritzen da, antzeko prozesuak dituzten herriekin elkartasunean.
Internazionalistak garelako, lehen urratsa Euskal Herria goiburua duen hitzaldia 19:00etan izango da Gaztañoko Auzo Elkartearen lokal berrian.
