Literatura, arte eszenikoak eta arte plastikoak, '21 aulki'-tan
Hurrengo bi asteburuetan banatuta, hainbat diziplinetako ekitaldiak egingo dituzte Ehuntze espazioan. Aurtengoa seigarren ekitaldia izango da.
Alaia Martin eta Ainara Lasaren tailer laborategiarekin hasiko da '21 aulki'. Orain dela bost urte sortu zuten, Ehuntze espazioaren ekimenez, 21 aulki zikloa. 2016 hartan lau hilabetez luzatu zena —hilero saio banarekin—, orain bi asteburutan banatuko dute. Hainbat sormen diziplinarekin gozatzeko aukera egongo da. Literatura, arte plastikoak eta arte eszenikoak ardatz izango ditu. Honakoa da prestatu duten egitaraua.
Maiatzak 28, 17:30 (Ehuntze espazioan)
- Mugakidetzan: Bertsoa eta irudia inprobisatzen. Alaia Martin eta Ainara Lasaren eskutik. Tailer-laborategia. Esperimentu parte hartzailea.
Maiatzak 29, 19:00 (Udal Areto Nagusian)
- Maringurua: Karanbola hirukoitza, emakumeen presentzia euskarazko arte eszenikoetan. Eneritz Artetxe, Maider Galarza eta Idoia Hernandez Hatxe-ren eskutik. Solasaldi parte hartzailea, performance zatiekin.
Ekainak 4, 19:00 (Udal Areto Nagusian)
- Andrezaharraren manifestua. Mari Luz Esteban, Ainhoa Alberdi, Iraia Elias, Jurdana Otxoa, Idoia Beratarbide eta Miriam Ubaneten eskutik. Irakurraldi-performancea.
Ekainak 5 (Ehuntze espazioan)
- 10:00etan Mosaiko lantegia, Alaiart-en eskutik. Gazte eta helduentzat. Mosaiko teknikara gerturatuko gaitu Alaia Gaztelumendi artistak.
Partaide bakoitzak hiru ordutan lan bat osatuko du artistaren gidaritzapean. Gehienez 30 x 21 cm neurtzen duen marko bat ekarri beharko da, markoa eta atzeko egurra erabiliko dira lana osatzeko. - 18:30ean Gorputzen errebuelta argazki banaketa, Nagore Legarretaren eskutik.
Iaz Oiartzunen egindako argazki saioko parte hartzaileekin elkartuko da artista, beraiekin izan zuen saioan sortutako lanak erakutsiko dizkie eta bakoitzak irudi bana jasoko du egilearen sinadurarekin. - 19:30ean Gorputzen errebuelta argazki saioa, Nagore Legarretaren eskutik.
Gorputzen ezinegona, konpresioa, zabaldu eta ahazteko nahiaren inguruko lanak garatzen dabil azken urteetan Nagore Legarreta argazkilaria. Bide horretan proiektuaren baitan argazki saioa antolatu dugu iluntzean, basoan. saioa 50 urtetik gorako emakumeen artekoa izango da eta biluzik. Ondoren argazkilariak irudiak errebelatu eta irudi-artefaktu poetikoak sortuko ditu, beti ere modeloen anonimotasuna gordez. Parte hartzaileek beraien irudia jasoko dute trukean, egilearen sinadurarekin.
Hilaren 28ko eta ekainaren 5eko saioetarako izena eman beharko da, edukiera bete arte. E-posta bidez egin daiteke edo 652 701 553 telefono zenbakira deituta.
Hilaren 29ko eta ekainaren 4ko emanaldirako sarrerak Irubide tabernan lortu daitezke. Erreserbak egiteko ere bai Ehuntzeren posta elektroniko helbidera idatzi beharko da.
