Oiartzuarrak partida guztiak irabazita pasatu dira fasez herriartekoan
Azkoitian hiru partidak irabazi dituzte Oiarpeko pilotariek. Asteburuan jokatutako beste hamar partidetan zortzi garaipen lortu dituzte.
Oiartzun ordezkatzen duten Oiarpeko pilotariek ostiral arratsean berretsi zuten Gipuzkoako Herriarteko Pilota Txapelketan fasez pasatzea. 0-3ko abantailarekin joan ziren Azkoitira, eta arerioen etxean nagusitasunez garaitzea lortu zuten.
Etxeberria eta Landa kadeteak 10-22 nagusitu ziren; Gazte Mailako Olaiz eta Aburuza 13-22; eta seniorretan, berriz, Ugalde eta Zalakainek 15-22 irabazi zuten.
Herriartekoan hurrengo arerioa zein izango den badakite oiartzuarrak. Bidania-Goiatz talde izango da. Lehenengo hiru partidak Madalensoron jokatuko dituzte, eta itzulikoak kanpoan izango dira. Bidaniarrek Amezketa garaitu dute.
Oiarpeko pilotariek jokatu zituzten gainontzeko partidetan ere uzta ederra jaso zuten. Izan ere, hamar partidetatik zortzitan oiartzuarrak hobeak izan ziren.
Emaitza guztiak ikusteko, egin klik esteka honetan.
