Astelehenera arte matrikula daiteke udalekuetan
Martxoan aurrematrikula egin zutenek uztaileko udalekuetan izena emateko aukera izango dute. Ohi bezala, bi txandatan egingo dituzte udalekuak.
Lau aste iraungo dute udaleku irekiek. Astelehenean itxiko dute udalekuetan matrikula egiteko epea. Aurten ere, Oiartzungo Udalak antolatu ditu udalekuak, eta Abaraxka ludotekakoek kudeatuko dituzte.
Martxoan aurrematrikula egin zuten haur guztiek izango dute matrikula egiteko aukera, eta, beraz, uztailerako antolatu diren udaleku irekietan parte hartzeko aukera. Bi asteko bi txandatan banatuko dira udaleku irekiak eta haurrek aukera izango dute txanda bakarrean edo bietan parte hartzeko.
Matrikula egiterakoan, ordainagiria, haurraren osasun txartelaren fotokopia, Adin Txikikoen Datu Babeserako dokumentua sinatua eta COVID-19aren protokoloa sinatua aurkeztu beharko dira. Ohi bezala, familia bereko hiru haur matrikulatzen badira, deskontua izango da tasetan (haur bakoitzeko).
Ordainketak Laboral Kutxako kontu korronte honetan egin behar dira: ES66-3035 0126 64 1260048216. Epez kanpoko ordainketarik ez dute onartuko, ezta diru itzulpenik ere.
Ekainaren 11n udaleku irekiei buruzko bilerak izango dira gurasoentzako, udaletxeko areto nagusian. Edukiera kontuak direla eta, guraso bakarra onartuko dute haur bakoitzeko.
Informazio gehiago lor daiteke ludotekan bertan (astelehenetik ostiralera, 16:15etik 19:00etara bitartean). Bestela, 645 005 495 edo 943 50 64 12 telefono zenbakietara dei daiteke, edo e-posta bidez harremanetan jarri.
Prezioak
- Normala (bi aste): 40 euro.
- Normala + autobusa (bi aste): 53 euro.
- Familia bereko 3 haur (bi aste): 31 euro haur bakoitza.
- Familia bereko 3 haur + autobusa (bi aste): 41 euro haur bakoitza
Normala (lau aste): 80 euro. - Normala + autobusa (lau aste): 107 euro.
- Familia bereko 3 haur (4 aste): 62,50 euro haur bakoitza.
- Familia bereko 3 haur + autobusa (4 aste): 83 euro haur bakoitza.
