Ibilgailu elektrikoari eta mugikortasunari buruzko ikastaroa egingo dute
Ekainaren 9rako online tailerra antolatu dute. Mugikortasun eredu berriei buruz aritzea da saioaren helburua. Aldez aurretik eman beharko da izena.
Gipuzkoako Foru Aldundiko Ingurumen eta Obra Hidraulikoetako Sailak eta Oiartzungo Udalak online tailerra antolatu dute ekainaren 9rako —asteazkena—. Ibilgailu elektrikoetan zein mugikortasun iraunkorran dauden aukeren berri ematea da saioaren helburua. 18:00etan hasiko da.
Tailer honen helburua gizartean pixkana txertatzen eta indarra hartzen ari diren mugikortasun jasangarrirako eredu berriei buruz herritarrak informatzea dela esan dute. “Zehazki, gaur egun merkatuan dauden ibilgailu elektrikoen ezaugarri, kontsumo, salneurri, kargatzeko eskakizun eta bestelako alderdiei buruzko informazioa eskainiko da, baita mugikortasun iraunkorrerako beste aukera batzuei buruzkoa ere (ibilgailu hibridoak, txirrindu eta patinete elektrikoak, etab.)”, adierazi dute.
Gainera, mugikortasun beharrei buruz hausnartuko dute. Motorrik gabeko mugikortasun aukerak zein ibilgailu elektrikoak partekatzeko dauden esperientziak izango dituzte hizpide.
Izena emateko aldez aurretik izena eman beharko da. Hainbat bide daude horretarako:
- Posta elektronikoa bidaltzea ondorengo helbide elektronikora.
- Honako telefono zenbakietara deitzea: 943 16 41 72 edo 605 75 76 87.
- Informazio osagarria aurki daiteke Energia Argituren webgunean.
Saioan sortzen diren galdera edo zalantzak txat bidez helarazi daitezke, eta saioan bertan erantzuten saiatuko dira. Bestela, posta elektroniko bidez erantzungo diete.
