Aurtengo 'ez-jaiak' nolakoak izango diren zehaztu du Udaltzaingoak

Txosnak, herri bazkariak eta kalejirak debekatuta egongo dira. Kirol jarduerak eta kultur ekitaldiak edukiera jakin batekin egin ahalko dira, 00:00ak arte.

Artxibo irudia sanferminak Artxibo irudia. Jende pilaketak ekiditeko neurriak zehaztu ditu Pasaiako Udaltzaingoak.

Pasaiako Udaltzaingoaren jarduneko ofizialordeak aurtengo ez-jaietan bermatu beharreko neurri eta arauak zehazten dituen dokumentu bat osatu du. Orokorrean, zein ekintza antola daitezkeen eta horiek nola egin ahalko diren zehaztu dute; honakoak izango dira arau orokorrak:

  • Neurri orokorrak. Pertsonen artean 1,5 metroko distantzia egon beharko da. Eskuak gel hidroalkoholikoarekin edo urarekin eta xaboiarekin garbitzea gomendatu dute. Espazio itxietan, aireztapena eta tenperatura-hartzea bermatu beharko dira. 6 urtetik gorakoek maskara erabili beharko dute derrigor.
  • Azoka txikiak. Egin ahalko dira, betiere lanpostuen artean 1,5 metroko tartea utziz.
  • Ekitaldiak. Eraikin itxiek %50eko edukiera izango dute eta, gehienez ere, 400 pertsona eserita. Aire librean gehienez 600 pertsona, publikoa eserita eta eserlekua aurrez esleituta. Ekitaldi guztiak 00:00etan bukatu beharko dira, beranduenez (ordutegia egoera epidemiologikoaren baitan alda daitekeela zehaztu du Udaltzaingoak).
  • Erakusketak. Bisita gidatuak baimendu dituzte, gehienez 6 pertsona eta gidariarekin.
  • Kirol jarduerak. Lehiaketa profesionalean eta federatuan murgilduta dauden taldeen kirol lehiaketak baimenduta egongo dira, federazio sarea alde batera utzita. Gehieneko edukieraren %35eko okupazioa edukiko dute aldagelek, eta etengabe aireztatu beharko dira erabiltzen diren bitartean. Ezingo da publikorik egon kirol jardueretan.
  • Mugimendua dutenak. Bide publikoan egiten diren kalejirak, batukadak, danborradak eta antzekoak baimendu ahal izango lirateke, neurri orokorrak eta prebentzio- neurriak betez, baina antolatzaileak bermatu beharko luke ez dela pilaketarik egongo horien ibilbidean zehar. Udaltzaingoaren ustez, baldintza hori betetzea “zaila” da, eta beraz, erabaki dute mota honetako ekitaldiak ez baimentzea.
  • Txosnak eta herri bazkariak. Udaltzaingoak ez du baimenik eman horrelakoak antolatzeko, bide publikoan nahiz kanpoko esparruetan alkohola kontsumitzeko debekuagatik.

 

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.