Hilaren 12an irekiko dute udako igerilekua, irailaren erdialdera arte
Aurten, epeari dagokionez, ohiko denboraldia egingo dute, baina COVID-19arengatik hartu beharreko neurri guztiak hartuta. Tarifen berri eman dute.
Jendea jasotzeko prest daude igerilekuko zelaiak.
Udako igerilekua hilaren 12an irekiko dute. Aurten, iaz ez bezala, ohiko denboraldia egingo dute: hiru hilabetez irekita egongo dira, irailaren 12ra arte. Jakinarazi dutenez, COVID-19arengatik hartu beharrekoe neurri guztiak hartuko dituzte.
Ekaineko, abuztuko eta iraileko ordutegia 11:00etatik 20:00etara izango da. Uztailean, berriz, ordubete lehenago irekiko dute, eta beste ordubete bat gehiago luzatuko da itxierara arte.
Elorsoro kiroldegiko bazkideek beraien kuotaren barruan sartuta dute udako igerilekuarena. Bazkide ez direnentzako, hainbat tarifa daude eskuragarri. Honakoak dira:
Denboraldiko bonua
- Familiarra: 130,25 euro.
- Banakako heldua (16 urtetik goiti): 97,70 euro.
- Banako gaztea (16 urtetik beheiti): 65,15 euro.
Eguneko sarrera
- Heldua: 7,75 euro.
- Gaztea: 3,90 euro.
- Bost sarrera (heldua): 30,90 euro.
- Bost sarrera (gaztea): 15,55 euro.
Bost urte arteko haurrek ez dute ezer ordaindu beharko.
