Erronka proposatu dute, ohiko Intxixu Trailen ordez
Gaurtik hasi eta hilaren 20ra arte, ibilbideko puntu batean argazkia atera eta sare sozialen bitartez partekatzera animatu dute lasterketaren antolatzaileek.
2019ko lasterketako irudia. Aurten, iaz bezala, ez da Intxixu Trail mendiko lasterketa egingo. Horren ordez, Ergoienen hasi eta bukatzen den karreraren antolatzaileek erronka proposatu dute.
Erronka horretan parte hartzen dutenen artean Lurbelen bi ekipamendu zozkatuko dituzte. Hiru pauso ditu erronkak:
- Intxixu Traileko ibilbidea egin, ekainaren 20ra arteko epean. Ibilbidean argazki bat atera.
- Argazki hori sare sozialetara igo, eta Intxixu Trail eta Lurbel etiketatu.
- Lagunak etiketatu eta parte hartzera gonbidatu.
Nahi izanez gero, ibilbide egiteko emandako denbora partekatzeko aukera eman dute. “Animatu erronka egitera, ezagutu gure txokoak, zaindu gure ingurua eta gozatu!”, esan dute Intxixu Traileko antolatzaileek.
Ibilbidea egiteko track-a Intxixu Trailen webgunean prest egongo dela jakinarazi dute.
