Oiartzuarrek Bidania-Goiatzen bilatuko dute finalerdietarako txartela
Oiartzun ordezkatzen duten pilotariek bihar goizean jokatuko dituzte itzuliko hiru norgehiagokak. Alde politarekin joango dira Gipuzkoa erdialdera.
Bihar goizean, 11:00etatik aurrera, Oiartzunek eta Bidania-Goiatzeko pilotariak nor baino nor arituko dira, Gipuzkoako Herriarteko Txapelketarako finalerdietarako txartela lortzeko.
Oiartzun 2-1 nagusitu zen kanporaketako joanekoan, etxean. Kadete eta Gazte Mailakoak nagusitu ziren, eta nagusiak izan ziren —gutxigatik— porrotarekin joan zirenak aldageletara. Oiartzuarrek hogei puntuko aldea lortu zuten.
Oiarperen gainontzeko partidei dagokienez, bost partida jokatuko dituzte asteburuan. Partida horiek guztiak binakakoak izango dira, kadete eta nagusi mailetakoak. Kartelera osoa, hemen ikusgai.
