Oiartzuarrek oin eta hiru laurden dute Herriarteko finalean
Alegian jokatu dituzte joaneko hiru partidak, guztiak irabazita. Emaitza oso onak lortu dituzte, 45 puntuko aldea eskuratu baitute.
Alegiarrek eta oiartzuarrek pankarta atera zuten, Iñaki Artolari animoak emateko. Gipuzkoako Herriarteko Pilota Txapelketan parte hartzen ari diren pilotariek finalean egoteko aurrerapauso ikaragarria eman zuten pasa den larunbatean.
Alegiako Elorri pilotalekuan jokatu zituzten kanporaketako joaneko partiden dagozkien partidak. Hirurak irabazi zituzten. Horietako bi, gainera, alde handiagatik izan ziren.
Kadeteetan, Oier Zabaleta eta Unax Landak hutsean utzi zituzten alegiarrak. Gazte Mailako partida izan zen emaitza orekatuena izan zuena: Xabat Olaiz eta Xabier Aburuza sei tantoko aldeagatik nagusitu ziren. Seniorretan, berriz, Andoni eta Iñigo Ugaldek 22-5 irabazi zieten alegiarrei.
Asteburu honetan jokatuko dituzte itzuliko partidak. Oiartzuarrek oin eta hiru laurdenak dituzte Herriarteko txapelketako finalean, baina orpoa falta zaie oraindik. Ez daitezela lasaitu.
Ohiko lehiaketetan, okerxeago
Oiarpek jokatutako gainontzeko partidek utzitako balantzeari dagokionez, ez zen hain positiboa izan. Hamar partida jokatu dituzte asteburuan, eta lautan nagusitu dira. Emaitza guztiak ikusteko, egin klik esteka honetan.
Bestalde, Oiarpeko pilotariek, alegiarrekin batera, Iñaki Artola pilotaria alegiarrari elkartasuna adierazi diote. Buruz Buruko Txapelketako finala jokatu beharko luke igandean, baina eskuko minarekin dago.
Larunbatean, Alegiako pilotalekuan, pankarta atera zuten, animoak emateko. Artola bera pilotalekuan zegoen
