Oiartzunen odol emateko deia egin dute bihar arratsalderako
Oiartzungo odol emaileek bihar izango dute odola behar dutenak laguntzeko aukera, bibliotekan. Hitzordua hartu beharko dute, pilaketak saihesteko.
Odol ematea bihar arratsaldean izango da.
Oiartzungo odol emaileek bi hilean behin dute herrian odola emateko aukera. Bihar izango da ekainari dagokiona. Manuel Lekuona bibliotekan eman daiteke odola, 16:30etik 20:10era bitartean.
COVID-19ak sortutako egoera dela eta, aurretik ordua hartu beharko da. Bihar bertan egin beharko da, 09:00etatik aurrera. Honako telefono zenbakietara deitu beharko da horretarako: 943 00 78 85 edo 943 31 70 91.
Oiartzungo odol emaileek gogorarazi dutenez, iaztik aurrera odol emateak asko jaitsi dira. Horregatik, emateko beldur pixka bat dutenei gogorarazi diete segurtasun neurri guztiak betetzen dituztela bibliotekan. Bestalde, ohiko deia egin dute: odol emaile berriak animatu dituzte likido gorria eman dezaten.
Apirilari dagokion odol emateko zifrak eman dituzte. 44 lagun joan ziren, horietako bi lehen aldiz. Honakoak dira datuak:
- O+: 14.
- O-: 7.
- A+: 18.
- A-: 3.
- AB+: 2.
