Uztailaren 3ko Poesia Egunean parte hartzeko irakurle bila ari dira
Ura izango da Poesia Egunaren ardatza. Hiru gunetan banatuko dute, bidegorrian: irakurraldi irekiduna; herriko poetena eta kanpoko gonbidatuena.
Hitzen Lihoan egindako irakurraldietako bat. Orain bidegorrira aterako dira.
Kulturabirusa Oiartzunen barrena hedatzen hasi da bigarren urtez. Uztailaren 3rako Poesia Eguna antolatu dute Hitzen Lihoa, Metrokoadroka kolektiboa eta beste oiartzuar batzuk.
11:00etatik aurrera izango da. Bidegorrian hiru gune sortuko dituzte egun horretarako, eta ura gaia izango da ardatza. Horrela banatu dituzte guneak:
- gunea: Poesia irakurraldi jarraitu bat antolatu dute, irekia, nahi duen guztiak irakurtzeko aukerarekin.
- gunea: Herriko poeten irakurraldia izango da (Oier Guillan, Antton Kazabon, Alaia Martin, Ainara Lasa, Malen Etxebeste eta Goiatz Labandibar).
- gunea: poesia musikatu errezitaldia izango da, kanpoko gonbidatuekin.
Poesia Egunaren antolatzaileak herritarren bila ari dira, 1. gunean irakurri nahi dutenn bila, hain zuzen ere. Aste honetan izango dute izena emateko aukera. Horretarako Hitzen Lihoaren e-posta helbidera idatzi beharko da.
