[Bideoa] Oiartzungo hogei ekoizleren produktuak ikusteko aukera, bihar
HemenGuk egitasmoaren lehenengo ekintza bihar goizekoa izango da. Horrez gain, udaleko eta ekoizleen ordezkariek sakonago azaldu dute zer den.
Biharko azokan parte hartuko duten ekoizleak, udaleko ordezkariekin, joan den astean, proiektua aurkezten. Pasa den astean aurkeztu zuten HemenGuk, Oiartzungo ekoizleen lana erakutsi eta ezagutarazteko proiektu berria. Elkarlanean hainbat jarduera egingo dituzte izendapen horren pean.
Lehenengoa azoka bat izango da. Bihar goizean, 09:30etik 14:00etara, beren produktuak erakutsiko dituzte proiektuarekin bat egin ekoizleetako hogeik. Behean zerrendatuta dauden ekoizleak agertzen dira bideo horretan (beherago ikus daiteke).
Horrez gain, Gipuzkoako Hitzan argitaratu den erreportajean, Eneritz Arbelaitz zinegotziak eta Joana Iñigez Gezaminako ekoizleak egitasmoaren berri luze eta zabal eman dute.
Ekoizleak
- Aldako. Txakolina.
- Arabolaza. Eztigintza.
- Arraztalo. Barazkiak.
- Drink mucha. Kombucha.
- Elika. Barazkiak.
- Gezamina. Ogia.
- Ilargi. Egurrezko bitxiak.
- Itsaso. Amets harrapariak.
- Labore. Bertako produktuen denda.
- Larremotx. Gazta.
- Leire Dorronsoro. Bitxiak.
- Lekungarai. Gazta.
- Loregorri. Oihalezko konpresak eta poltsak.
- Minak. Ogia.
- Momotegi. Ahatekiak.
- Pagoa. Garagardoa.
- Papurrak. Ogia eta goxoak.
- Peluzar. Arrautza ekologikoak.
- Trikuharri kultur elkartea. Marrazkigintza.
- Zituene. Pasta.
