Udaleko garbiketa zerbitzuek ez dute altzaririk jasoko San Joan egunean
Hilaren 24ean osteguneroko bilketarik egingo ez denez, Antxo eta Donibaneko bizilagunei eskatu diete tamaina handiko hondakinik utz ez dezaten kalean.
San Joan egunean (datorren osteguna, hilak 24) udaleko garbiketa zerbitzuek ohiko altzari bilketarik egingo ez dutela jakinarazi dute.
Pasaiako jaiegun ofizialarengatiko eteteak Antxo eta Donibaneko bizilagunei eragingo die; horiei eskatu diete udal arduradunek datozen egunetan tamaina handiko hondakinik utz ez dezaten bide publikoan.