Turismo Bulegoa irekiko dute bihar, uztaila eta abuzturako
Oiartzun bisitatzera etortzen direnei zerbitzu emateaz gain, Kulturabiruseko ekitaldietarako sarrerak lortu ahal izango dira. Arizmendienean egongo da.
Turismo bulegoa Arizmendienean egongo da (Aialde kaletik sartzen da). Bihar irekiko dute Oiartzungo Turismo Bulegoa, eta abuztu bukaera arte egongo da zabalik. Aurten toki berria estreinatulp du. Arizmendienea etxean hartu du ostatu, urrutira joan gabe.
Turismo Bulegoaren ordutegia 10:00etatik 14:00etara eta 16:00etatik 19:00etara izango da, astelehenetik igandera. Turismo Bulegoak eskaintzen dituen ohiko zerbitzuez gain (Oiartzun ezagutzera datozenei informazio praktikoa ematea), udan zehar antolatu diren Kulturabirusako ekitaldietarako sarrerak ere bertan banatuko dituzte. Herritar bakoitzak ekitaldi bakoitzerako bi sarrera hartzeko aukera izango du.
