Tren berdean bidaiatzeko, erreserba beharko da
Aurrez aurre egin ahalko da erreserba turismo bulegoan, telefonoz 943 49 45 21 zenbakian, edo posta elektronikora mezua bidalita.
Tren berdea San Marko gotorlekura. Ostegun honetan hasi du Tren Berdeak zerbitzua, Errenteria-Orereta erdialdea eta Bizarain mendian kokatuta dagoen San Marko gotorlekua batzeko. Hasiera batean, lekuen erreserba egitea ez zela beharrezkoa pentsatu bazuen ere, atzokoan zerbitzuak izan zuen arrakasta ikusita, erreserba sistema martxan jartzea erabaki du udalak. Datorren astetik, beraz, beharrezkoa izango da gutxienez 24 ordu aurretik tren berdearen zerbitzua erabiltzeko erreserba egitea. Aurrez aurre egin ahalko da erreserba turismo bulegoan, telefonoz 943 49 45 21 zenbakian, edo posta elektronikora mezua bidalita.
Pertsona bakoitzak gehienez sei leku erreserba ditzake, egunean joan etorri bakarra egin daiteke, eta beharrezkoa izango da San Markon geldialdia egitea. Adin txikikoak arduradun batekin joan beharko dute, eta adineko pertsona batekin sei adin txikiko joango dira gehienez.
Zerbitzua doakoa izango da, eta uztaila eta abuztuko ostegunetan eskainiko du Tulle kaleko autobus geltokitik abiatuta orduero 10:00etatik 13:00etara. Hau da, lau zerbitzu izango dira igotzeko ostegunero, eta beste hainbeste gotorlekutik jaisteko 10:30etik 13:30era orduero. Tulle kaleko geldialdiaz gain, Beraun kaleko 11 zenbakiaren parean ere geldituko da tren berdea.
