'Piztu emakumeOn energia!' antzezlana lekualdatu dute
Haurrentzako antzezlana Haurtzaro Ikastolako anfiteatroan egitekoak ziren. Eguraldia dela eta, ekitaldiaren tokia aldatu dute.
Imanol Ituiñok zuzendutako antzezlana ikusteko aukera izango da gaur arratsaldean.
Gaur arratsaldean eskainiko dute, Kulturabirusaren barruan, Piztu emakumeON energia! antzezlana. Haurrei zuzendutakoa da, eta emakumeek zientzian izan duten papera azaleratzen du, Marie Curie zientzialariaren pertsonaia nagusia ardatz hartuta.
Haurtzaro Ikastolako anfiteatroan egitekoak ziren, baina tokiz aldatu dute, eguraldia dela eta. Ikastolako pilotalekuan izango da, 19:00etan hasita. Gonbidapenak turismo bulegoan hartu beharko dira.
Ez da gaur Kulturabirusaren barruan egingo duten ekitaldi bakarra izango. Gaur arratsaldean Gure aluak dekolonizatu tailerra egingo dute, Oiartzungo Feministen Asanbladak deituta. 17:00etan hasiko da, Manuel Lekuona bibliotekan. Kasu horretan ere, turismo bulegotik pasatu behar da sarreren bila.
