Kulturabirusari aurre egiteko txertorik ez dago
Erakusketak, saskibaloi txapelketa, Soinuenea eta Biyurrienearen arteko kolaborazioa... Ekitaldi guztiz ezberdinekin gozatzeko aukera egongo da.
Alaia Gaztelumendi, labaderoan lanean, lehengo astean. Kulturabirusaren izurriteak Oiartzunen hedatzen jarraitzen du. Aldaera ezberdinak hartzen ditu, egingo diren ekitaldien aniztasunean islatzen den bezala.
Bost ekitaldi egingo dituzte gaur eta bihar artean. 17:30ean, labadero zaharreko paretetan mosaikoa egingo dute lo
herriko emakumeek, Alaiarten gidaritzapean.
19:00etan, berriz, Soinuenea eta Biyurrienearen arteko elkarlana ikusteko aukera egongo da: Tobera-p!!. Rapa eta herri musika fusionatuko dituzte, gazteentzat. Elizalde Herri Eskolako pilotalekuan izango da.
Bihar goizerako, berriz, ahalduntze antzerki tailerra antolatuta dute. Iturriozko dorretxean izango da, 10:00etatik 14:00etara.
Arratsalderako, bi proposamen. Alde batetik, izerdia botatzekoa. Biyurrieneak saskibaloi txapelketa antolatu du. 16:00etan hasiko da, Haurtzaro Ikastolako kantxan, eta giro ona egongo dela hitz eman dute.
Bestalde, 19:00etan, ipuin maratoia egingo dute Arizmendienean. Ekitaldi honetarako zein goizekorako turismo bulegotik pasatu beharko da.
Bestalde, Burgosko prozesuari buruzko erakusketa bisita daiteke udaletxeko areto nagusian, baita Puskak biltzen Arizmendienean.
