[Galeria] Steawa no bebere, saskibaloi talde 'biyurriena'
Asteburu honetan jokatu dute, lehenengo aldiz, Biyurri Saskibaloi Txapelketa. Hamahiru taldek hartu dute parte, eta giro ona sortu da kantxan.
Biyurrieneak antolatuta, lehendabiziko 3×3 txapelketa egin zuten pasa den larunbatean, Haurtzaro Ikastolako kantxan.
Hamahiru taldek hartu zuten parte estreinako Biyurri Saskibaloi txapelketan. Txapeldunak Steawa No Bebere taldea eta El bueno, el feo y el malo taldea —errepeskan— izan ziren.
Herriko hainbat establezimenduri esker, irabazleek Amazkar taberna, Miren taberna, Kabitxo taberna eta Tolaita ostatuek emandako sariekin gozatzeko aukera izango dute. Horrez gain, Gipuzkoa Basketek ere hainbat kirol arropa eman zituen.
Gaur, hitzaldia
Biyurrienearen jardunak ez du etenik. Gaur arratsalderako hitzaldia antolatu dute. Alaitz Iriarte dietista-nutrizionistak hitzaldia emango du, ikastolako jangelan, 19:00etan hasita. Sarrerak turismo bulegoan hartu beharko dira.
Bestalde, gazte taldeak antolatutako padel txapelketa bigarren fasean sartuko dela jakinarazi dute, eguraldiak jokatzen uzten badu.
