Film emanaldi bat izango da Atzamarka talde feministaren lehen jarduera
'Tomate berde frijituak' filma ikusteko aukera egongo da bihar arratsaldean, Haurtzaro Ikastolako pilotalekuan. Talde feministaren lehen ekitaldia izango da.
'Tomate berde frijituak' filmeko bi protagonistak (Kathy Bates eta Jessica Tandy). Atzamarka talde feminista sortu dute hainbat neska gaztek. Biharko —asteazkena, hilak 14— lehen ekitaldia antolatu dute.
Tomate berde frijituak (John Avnet, 1991) filma ikusteko aukera egongo da, Haurtzaro Ikastolako pilotalekuan. Emanaldia 20:00etan hasiko da.
Bestalde, Atzarmarka taldeak Instagrameko profila zabaldu du. Hemen klik eginda bisita daiteke.
Adierazi dutenez, Oiartzungo neska gazteek sortutako taldea da, hainbat kezka eta beharrizanek bultzatuta. “Alde batetik”, azaldu dute, “neska* gazte subjektu politikoa ezaugarritu eta neska* gazteon problematika zehatzak mahai gaineratzea dugu ardatz”.
Bestalde, neska gazteen arteko saretzea aurrera eraman nahi dute, beraien problematikari erantzuteko. “Beraz, horiek oinarri izanik, neska* gazteon artek harremanak sendotu eta sarea ehuntzen joatea izango da talde berri honen helburu nagusia”, zehaztu dute.
