Palestinari buruzko hitzaldia eta mosaikoa egiten jarraitzea, gaurko planak
Kulturabirusaren barruko bi ekitaldi egingo dituzte gaur arratsaldean. Labaderoa txukuntzen jarraituko dute, eta Ekialde Hurbilaren berri izan.
Askapenako kideak arituko dira Palestinari buruz. Asteburuko ekitaldiak atzean utzita, Kulturabirusa aste berri batean sartuko da. Gaur arratsalderako bi ekitaldi programatuta daude.
Alde batetik, Alaiartek diseinatutako mosaikoa azulejoekin betetzen jarraituko dute izena eman duten emakumeek, 17:30ean hasita. Pasa den ostiralean jo eta ke aritu ziren labaderoari itxura berria ematen.
Putzu haundira izena du proiektuak, eta labaderoaren garrantzia historikoa nabarmendu nahi du Alaiartek, baita emakumeen topagunea izaera hori ere.
Bestetik, Biyurri hitzaldiak-en beste saio bat egingo dute, udaletxeko areto nagusian. Askapena erakunde internazionalistako kideek Palestina zein Ekialde Hurbilari buruzko informazioa eramango dute. Hitzaldia 19:00etan hasiko da. Aurretik izena eman dutenek lehentasuna izango dute sarrera eskuratzeko (turismo bulegoan lor daitezke, geratuko balira).
