Arraztalok auzolanerako deialdia egin du larunbaterako
Makutso baserriko baratzeetan landaketa eta txukuntze lanak egitera gonbidatu dute. Bihar udalekuetakoak ibiliko dira.
Aurreko auzolan baten irudia, arraztaloelkartea.wordpress hartutakoa.
Arraztalok auzolanerako bi deialdi egin ditu aste honetarako. Lehenengoa bihar bertarako —osteguna, hilak 22—. Udalekuetan dabiltzan haurrak izango dira Makutsoko baratzeak bisitatuko dituztenak. 09:30ean hurbilduko dira bertara, baratzeak gertutik ezagutzeko.
Larunbat honetarako toki eta ordu berean geratuko dira. Kasu horretan, baratzean landaketak egin eta txukuntzeko deia egin dute. Bereziki kontsumo taldeko kideei dei egin diete ager daitezen, baina interesa duen oro gonbidatu dute.
Bestalde, Arraztalo elkartea lan poltsa osatu nahian dabil. Hemen klik eginda irakur daiteke informazio gehiago.
