AP-8ko kamioien aparkalekua hiru hilabetez itxiko dute
Joan den urteko urrian hasi zituzten aparkalekuko birmoldatze lanekin jarraituko du Bidegik.
Aparkalekua hobetzeko berritze lanak iazko urrian hasi ziren. Igande honetatik azarora bitarte, itxita egongo da Bilboko noranzkoan AP-8 autobidean dagoen kamioientzako Oiartzungo aparkalekua. Birmoldatzeko lanak egingo dituztelako itxiko dute parkinga, Gipuzkoako Foru Aldundiak jakinarazi duenez. Bertan dauden kamioiek eta atoiek abuztuaren 20a dute azken eguna lekua uzteko.
Aldundiak azaldu duenez, bi plataformak batean jarriko dituzte, sarbide eta irteera bideak asfaltatuko dira eta 190 aparkalekuren seinale horizontalak margotuko dituzte.
Plataforma berritzearen lanak urrian hasi zirela eta 12 hilabete dituztela lan guztiak gauzatzeko adierazi du Foru Aldundiak. Zehaztu dute ere, Bidegik 2,9 milioi euro gehi BEZa erabili dituela lanak egiteko.
