Donostiako Klasikoak Oiartzungo trafikoan eragina izango du, etzi
Emakumeen lasterketa goiz partean pasatuko da, pare bat aldiz. Gizonezkoena, berriz, bazkaldu ondorengo orduetan pasatuko da, bi aldiz.
Datorren larunbatean, hilak 31, Donostiako Klasikoa jokatuko dute, emakumeetan zein gizonetan. Horrek trafikoari eragingo dio eguneko hainbat momentutan.
Lasterketaren antolatzaileen errepide liburuak horrela zehazten ditu ibilbide eta ordutegiak (orduen estimazioak azkarrena eta motelena dira). Kontuan hartu behar da estimazioa lasterketa buruari dagokiola; lehenago pasatuko dira karabana.
Emakumeen lasterketa
- 11:09 / 11:20 inguru artean sartuko dira lehen aldiz Oiartzunen, Astigarragatik. Herrian lau kilometro inguru egingo dituzte, Gurutzetik ateratzeko.
- Bigarren aldia 12:12 / 12:30 inguruan izango da. Gurutzetik sartu, eta sei kilometro egingo dituzte Errenteria-Oreretaraino.
Gizonen lasterketa
- Lehenengo zeharkaldia 15:12 / 15:32 sartuko da, Astigarragatik etorrita. Gurutze auzotik aterako da, Irunera joateko.
- Bigarren zeharkaldiari dagokionez, 16:11 eta 16:38 artean izango da. Erlaitz ingurutik sartuko dira txirrindulariak, eta herriko errepideetatik hemezortzi bat kilometro eginda, Errenteria-Oreretara iritsiko dira 16:37 / 17:07 inguruan.
