[Galeria] Majestik denda historikoa omendu dute Antxoko merkatariek
Gaur itxiko ditu ateak dendak, horregatik, urte luzeko ibilbidea omendu dute gaur.
Majestik denda eta fabrikaren sortzaileak. Omenaldia egin diote Pasai Antxoko Majestik dendaren ibilbide eta lanari inguruko merkatariek. 32 urteren ostean, gaur itxiko du denda jabeak, Arantxa Becerrak, jubilatu egingo delako. Lezoko pabiloietako fabrikak martxan jarraituko du. Inauterietako karrozak eta, oro har, karrozak sortzeagatik egin zen ezagun Majestik, baita bere oihal eskaintza zabalagatik ere.
“Pertsiana bat gehiago behera” doala adierazi du Jokin Oiarbidek, Leunda Janari Prestatuak establezimenduaren jabeak. Kalea partekatu izan dute urteetan, eta Majestiki eskerrak adierazi dizkio “beti prest” egoteagatik. Erreferenteak direla aitortu du Oiarbidek.
