'Puskak biltzen' erakusketarekin gozatzeko, beste hilabete bat gehiago
Arizmendieneko lehenengo erakusketa ikusteko aukera egongo da abuztuan. Herriko 13 artisten ekarpenak osatu du 'Puskak biltzen'.
Erakusketak pareten ohiko formatutik mahaira salto egin du.
Herriko hamahiru sortzaileren 111 piezek osatzen dute Puskak biltzen erakusketa. Berez, bihar izango luke azkeneko eguna, baina beste hilabete batez ikusteko aukera egongo da Urdiñola-Arizmendienean. Modu horretan, beraz, Kulturabirusa luzatuko da.
Eraikineko beheko solairuko aretoko mahaiaren bueltan “otordu eklektikoa” aukera egongo da egunero, 10:00etatik 14:00etara eta 16:00etatik 19:00etara.
Obra batzuk lautan zatituta aurki daitezke kasu batzuetan. Beste batzuetan, berriz, obra zati bat besterik ez dago. Bisitariari interaktuatzeko gonbita egiten dio obrak berak. Onena, joan eta ikustea.
Sortzaileak
- Ager Iñarra Arrastua.
- Ainara Lasa Perez.
- Alaia Gaztelumendi Mendarte.
- Allende Arnaiz Garmendia.
- Ane Narbarte Lasa.
- Belen Moreno Zaldibar.
- Idoia Beratarbide Arrieta.
- Iosu Mitxelena Unsain.
- Karen Muñoz Etxebeste.
- Maddalen Aristegi Sanchez.
- Onintza Etxebeste Liras.
- Oskar Zapirain Herce.
- Udane Ansa Iragorri.
