Geoalcalik bere potasa ekoizpen berriaren urteko 700.000 tona esportatuko ditu portutik
Asmoen protokoloa berriz sinatu dute Portuko agintaritzak eta Geoalcali enpresak. Muga meategian ustiatzen duena bertatik esportatzeko hitzarmena berritu dute.
Asmoen protokoloa berritu du Portuko agintaritzak Geoalcallirekin Pasaiako Portuak asmoen protokoloa sinatu du berriz Geoalcali enpresarekin. Agintaritzak azaldu duenez, Muga meategian potasa ustiatzeko baimena lortu du Geoalcalik, eta portu hau “meategietatik hurbilen” dagoen “interes orokorreko” zentro logistikoa da.
Portuak zehaztu du, Geoalcalik ustiatzen duen potasaren urteko ekoizpenaren 700.000 tona, Pasaiatik esportatu nahi dituela. Bi fase izango ditu ustiatze berri honek; lehen fasean 500.000 tona potasio kloruro eta 500.000 tona gatz ekoitziko dituzte, eta bigarren fasean, urtean 1.000.000 tona potasio kloruro eta 1.000.0000 tona gatz.
Merkantzia portuan dagoenean hauts emisiorik gabe manipulatzera konprometitu dira erakundea eta enpresa. Protokolo hau, “portuko operadore batekin kontratu lotesle bat sinatu arte” izango dela baliozkoa esan du Portuko Agintaritzak. Orduan, enpresa merkantzia “behar bezala” jarduteko izapideak hasiko dituela jakinarazi dute.
