Iturriotzen egongo da aste honetan animalien sufrimenduari buruzko erakusketa

Uztaila bukaeran erakusketa suntsitu zutela salatu zuen Aska Itzank Animaliyak (AIA) taldeak; kontzientziatzeko helburuari jarraituz, auzoz auzo eramango dutela adierazi dute.

Animalien eskubideen aldeko AIA taldeak bultzatutako erakusketa. Animalien eskubideen aldeko AIA taldeak bultzatutako erakusketa.

Aska Itzank Animaliyak (AIA) taldeak bultzatutako erakusketa ibiltaria Iturriotz auzoan ikusgai egongo da aste honetan zehar. Erakusketa ibiltaria Ugaldetxon zegoen uztaila bukaeran suntsitu zutenean. AIAko taldekideek aldarria mantendu zuten, eta joan den astean argazkiak berreskuratu eta Arraguara eraman zuten kontzientziazio kanpaina. Izan ere, animaliek festetan pairatutako sufrimendua irudi bidez islatu nahi dute erakusketaren bitartez. Ziurtatu dutenez, Oiartzungo auzo guztietara hedatuko dute argazki bilduma.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.