Hitzordu bikoitzari aurre egin beharko diete Oarsoaldeko traineruek asteburuan
ETE eta KAE2 ligetako traineruak Zarautzen eta Kantabrian ariko dira bihar eta etzi, hurrenez hurren; KAE1eko ontziek Castro Urdialesen dute hitzordua.
![Lehiaketara itzuli da San Pedro [Irudia: Sanpedrotarra AE].](https://oarsoaldea.hitza.eus/site/files/2021/08/libia-500x313.jpg)
Lehiaketara itzuli da San Pedro [Irudia: Sanpedrotarra AE].
Oarsoaldeko ontzi guztiek hitzordu bikoitza dute asteburuan. Estropadetarako kokalekuak Zarautzen eta Castro Urdialesen (Kantabria, Espainia) egongo dira. Iragan asteko koronabirus kasuen ondotik, Sanpedrotarra lehiaketara itzultzea aurreikusi dute. Hibaika-ren talde femeninoak, bestalde, hirugarren postutik bigarrenera salto egin dezake estropada ona eginez gero.
Ondokoak dira asteburuko hitzorduak:
Bihar, hilak 14
- ETE liga, 12:00etan: Zarautz Arraun Elkartearen Emakumeen I. Ikurrina. Partaideak: Hibaika eta San Juan-Koxtape. Sailkapen orokorra.
- KAE1 liga, 18:00etan: Castro Urdiales Hiria Bandera (Kantabria, Espsainia). Partaideak: Sanpedrotarra eta San Juan-Koxtape. Sailkapen orokorra.
- KAE2 liga, 11:00etan: Zarautz Arraun Elkartearen XII. Ikurrina. Partaideak: Hibaika eta Trintxerpe-Illunbe. Sailkapen orokorra.
Etzi, hilak 15
- ETE liga, 12:00etan: ETE Castro Urdiales Hiria. Partaideak: Hibaika eta SanJuan-Koxtape. Sailkapen orokorra.
- KAE1 liga, 12:15ean: Castro Urdiales Hiria Bandera. Partaideak: Sanpedrotarra eta San Juan-Koxtape. Sailkapen orokorra.
- KAE2 liga, 11:30ean. ETE Castro Urdiales Hiria. Partaideak: Hibaika eta Trintxerpe-Illunbe. Sailkapen orokorra.