'Mater' Museoa: "Seabinaren datuak benetan kezkagarriak dira"
24 ordutan 507 mikroplastiko jaso ditu itsas zaborrontziak badiako uretatik. Horiek sailkatu eta egoeraren diagnosia egin dute.
Artxibo irudia. Seabinak Pasaiako uretatik jasotako hondakin batzuk. 
San Pedroko kaian amarratuta dagoen Seabin itsas zaborrontziak 507 mikroplastiko pusketa jaso ditu 24 ordutan badiako uretatik. Gailuaren arduradun den Mater ontziak egoeraren larritasunaz jabearazi nahi izan ditu herritarrak: “Jaso ditugu Seabineko datuak eta benetan kezkagarriak dira!”.
Hondakinak biltzeko saioa abuztuaren 4ean egin zuten, egun osoz. Ordu horietan bildutakoak sailkatu eta jendaurrean jarri dituzte:
- 238 (%47) plastiko bigunak.
- 122 (%24) poliestirenoa.
- 81 (%16) plastiko gogor pusketak.
- 58 (%11,5) hari eta zuntza.
- 8 (%1,5) erretxina plastikoa.
