COVID-19: Oiartzun eta Pasaia eremu gorrian; Lezo eta Errenteria-Orereta, horian
Desparekatua da birusaren hedapenaren egoera Oarsoaldean gaur-gaurkoz. Aste honetan joan denean baino 8 kasu positibo gutxiago hauteman dituzte.
Gaur goizeko irudia, Errenteria-Oreretako Iztieta auzoan. 254koa da tasa udalerri horretan. 
Azken lau egunean (joan den astelehenetik ostegunera, horiek barne) 84 pertsona gaixotu dira COVID-19gatik Oarsoaldean. Aurreko astean, epe berean (hilaren 9tik 12ra) 92 izan ziren atzemandako kasu positiboak. Horiek horrela, astetik asterako alderaketa eginda, 8 kasu gutxiago zenbatu dira azken astean.
Errenteria-Orereta eta Lezon nabarmen egin dute behera intzidentzia tasek azken lau eguneko datuekin (ia erdira). Pasaian, xume, baina jaitsi da halaber. Oiartzun da joan den astetik egunera arte zenbakia handitu duen udalerri bakarra, eta horrexegatik eremu gorrian jarraitzen du oraindik, Pasaiarekin batera.
Aurreko bi asteetan bezala, Lezok izan ditu kasu gutxien, guztira 6 (aurreko astean 4). Pasaian 25 kasu atzeman dituzte joan den ostiraleko 29ekin alderatuz. Errenteria-Oreretan 30 izan dira (36 azken astean) eta Oiartzunen 23 kutsatu (berdin).
Datuak, gaur:
- Errenteria-Orereta. Tasa: 254 (joan den astean 430koa zen). Kutsatuak 30 (astelehena-asteartea-asteazkena-osteguna): 12-7-3-8.
- Oiartzun. Tasa: 569 (joan den astean 511koa zen). Kutsatuak 23 (astelehena-asteartea-asteazkena-osteguna): 9-3-5-6.
- Lezo. Tasa: 247 (joan den astean 411koa zen). Kutsatuak 6 (astelehena-asteartea-asteazkena-osteguna): 1-0-1-4.
- Pasaia. Tasa: 419 (joan den astean 424koa zen) Kutsatuak 25 (astelehena-asteartea-asteazkena-osteguna): 7-8-4-6.
