Hazilan programan izena eman daiteke jada
Langabezian dauden 20 eta 44 urte bitartekoei zuzendutako formakuntza da. 80 orduko prestakuntzaz gain, aldi baterako praktikak egiteko aukera ere eskaintzen du programak.
Irailaren 30ean hasiko da ikastaroa eta izen emateko epea ireki dute. Hamaseigarren Hazilan programan izen emateko epea zabaldu du Oarsoaldea Garapen Agentziak. Programa honen helburua unibertsitateko edo goi mailako zikloko titulua duten 20-44 urte bitarteko gazteei lana bilatzen laguntzea da.
Parte hartzeko hiru baldintza bete behar dira: 20 eta 44 urte bitarte izatea, Goi Mailako formakuntza eta/edo unibertsitateko titulua izatea, baita langabezian egotea ere. Behin izena emanda, elkarrizketa pertsonala egingo zaie interesdunei “interesa eta egitasmorako egokitasuna” baloratzeko.
Formakuntzak 80 orduko prestakuntza prozesu bat eskaintzen du eta ondoren aldi baterako praktikak egiteko aukera dago. Enplegua bilatzerako orduan “motibazioa eta segurtasuna” areagotzen laguntzeko hainbat gai landuko direla azaldu du agentziak, hala nola, lanbide profila definitzea, talde dinamiketan trebatzeko edo enplegua bilatzeko tresnak erabiltzea.
Irailaren 30ean hasiko da programa eta esteka honetan eman daiteke izena. Informazio gehiago nahi ezkero mezu bat bidali daiteke helbide honetara edo telefono hau dago eskuragarri: 943 510 200.
