Salamancako espetxeraino elkartasun bulkada helarazi diote Iñaki Bilbaori
Atzoko elkarretaratzean argi utzi zuten gertukoek komunikazioa guztiz eten duela euskal presoak, eta beraz, inork ezin duela jakin bere benetako egoera zein den.
Herriko Plazan elkartu ziren atzo arratsaldean Bilbaoren borrokari elkartasuna adierazteko. [Irudia: Alaine Aranburu]. 
Gose eta komunikazio greban da, hilaren 6tik, Iñaki Bilbao Txikito euskal presoa. Dagoeneko 36 urte espetxean eman dituen euskal presoari elkartasun bulkada helarazi nahi izan zioten atzo arratsaldean udaletxearen aurrean egindako elkarretaratzean.
Gertukoek argi utzi nahi izan zuten azken egunotan Bilbaoren izenean edo haren egoerari buruz argitaratutako adierazpenak zalantzazkoak izan litezkeela, izan ere, hark komunikazioa guztiz etetea erabaki baitu Topaseko (Salamanca, Espainia) espetxetik, eta, beraz, “inork ezin baitu jakin bere benetako egoera zein den oraintxe bertan”.
