Urritik ekainera arte eskainiko dute zerbitzua ludotekek
Izena emateko epea irailaren 15etik 30era egongo da zabalik. Trintxerpe-San Pedro, Donibane eta Antxoko zentroetan 4-12 urte arteko haurrak hartuko dituzte.
Pasaiako udal ludoteketan izena emateko epea irailaren 15etik 30era egongo da zabalik. Trintxerpe-San Pedro, Donibane eta Antxoko zentroetan 4 eta 12 urte bitarteko haurrak hartuko dituzte astelehenetik ostiralera.
Ludoteken jarduna urriaren 1ean hasiko da, eta datorren urteko ekainaren 18ra arteko iraupena izango du. Astelehenetik ostiralera, 17:00etatik 18:30era txikienak hartuko dituzte (4-8 urte), eta 18:30etik 20:00etara zaharragoak (8-12 urte). Larunbatetan adin guztieta irekita egongo dira zentroak, 11:00etatik 13:00etara.
Izen-emateak ludoteketan bertan egin beharko dira. Hona hemen guneen informazioa:
- Trintxerpe-San Pedrok. Espinosa de los Monteros plazan dago, Pobladon; izen-ematea telefono bidez egin nahi izanez gero, honakoa da zenbakia: 943 39 25 10.
- Donibane. Lehengo Herri Eskolan kokatuta dago, JJ Otaegi plazan; izen-ematea telefono bidez egin nahi izanez gero, honakoa da telefonoa: 943 34 43 28.
- Antxo. Azokan dago ludoteka, eta honakoa da telefonoa: 943 24 85 12.
Urritik ekainera bitarteko ikasturte osorako kuota 57,32 eurokoa izango da. Udal ludotekak egokituz joango dira pandemiaren egoeraren arabera, eta zerbitzua emateko modua alda dezakete, unean uneko egoeraren arabera.