ETE Ligaren bukaera: Hibaika hirugarren eta San Juan laugarren
Erandioko banderagatiko lehian Deusturen atzetik gelditu izanagatik galdu dute oreretarrek igoerarako play-offerako sailkatzeko aukera.
'Batelerak' trainerua laugarren izan da ETE-ko sailkapen orokorrean. 
Bukatu da ETE Liga, eta, nahiz eta igoerarako aukerarik gabe, emaitza oso txukunak lortu dituzte eskualdeko emakume arraunlariek. Hibaikak podiumeko brontzea lortu du sailkapen orokorrean, eta San Juan-Koxtape laugarren izan da.
Larunbatean, 17:45ean ekin zioten traineruek azken estropada puntuagarrirako lehiari, XXXIV. Erandioko bandera lortzeko. Sailkapen orokorrean bezala, hirugarren eta laugarren izan ziren, hurrenez hurren, errenteriar eta pasaitar eskifaiak asteburuko estropadan ere.
Gauzak horrela, Tolosaldea (lehenengoa) eta Deustu (bigarrena) izan ziren Euskotren Ligarako play-offerako sailkatu ziren ETE-ko traineruak, eta Hibaika ateetan gelditu zen. Lehen bi horiek igoera fasean parte hartuko dute Hondarribia (azken izanagatik Euskotrenen) eta Galiziako Ligako onenen aurka, irailaren 18 eta 19an Bermeo eta Portugaleten.
Liga bukatuta, ez zuten, ordea, atsedenik izan emakumeen bigarren mailakoek, igandean ere hitzordua izan baitzuten, etxetik gertuago orduan: Donostian. Urumea ibaian brontzea errepikatu zuen Hibaikak, eta bi postu beherago sailkatu ziren Batelerak. Hona hemen 2021 denboraldiko sailkapen orokorra eta asteburuko estropadarena:
Liga ETE Sailkapena.
| Elkartea | Puntuak | |
|---|---|---|
| 1º | TOLOSALDEA A.K. | 10,57 |
| 2º | DEUSTO-TECUNI-BILBAO | 9,71 |
| 3º | HIBAIKA JAMONES ANCIN | 9,36 |
| 4º | SAN JUAN-IGARTZA | 7,36 |
| 5º | DELTECO ZUMAIA | 7,21 |
| 6º | ONDARROA-CIKAUTXO | 6,43 |
| 7º | ISUNTZA-ELECNOR | 4,77 |
| 8º | LUTXANA A.E. | 3,77 |
| 9º | ZARAUTZ-GESALAGA-OKELAN | 3,50 |
| 10º | LAPURDI | 2,50 |
| 11º | CASTRO CANTERAS DE SANTULLAN | 1,23 |
XXXIV. Erandioko bandera. Estropadako sailkapena.
| Elkartea | Denbora | Puntuak | |
|---|---|---|---|
| 1º | TOLOSALDEA A.K. | 10:54,17 | 11 |
| 2º | DEUSTO-TECUNI-BILBAO | 10:56,75 | 10 |
| 3º | HIBAIKA JAMONES ANCIN | 11:00,19 | 9 |
| 4º | SAN JUAN-IGARTZA | 11:05,43 | 8 |
| 5º | DELTECO ZUMAIA | 11:08,15 | 7 |
| 6º | ZARAUTZ-GESALAGA-OKELAN | 11:22,72 | 6 |
| 7º | LUTXANA A.E. | 11:25,07 | 5 |
| 8º | ONDARROA-CIKAUTXO | 11:31,68 | 4 |
| 9º | LAPURDI | 11:37,51 | 3 |
| 10º | ISUNTZA-ELECNOR | 11:38,77 | 2 |
| 11º | CASTRO CANTERAS DE SANTULLAN | 12:21,33 | 1 |
