Portuko merkantzien trafikoa ia %33 hazi da urte hasieratik
Espainiako estatuko nasen igoera handienetarikoa zenbatu dute. Industriaren berraktibatzea eta automobilen esportazioa izan dira giltza.
Uztailera arte 2,1 tona maneiatu ditu Pasaiako nasak. 
2021eko lehen zazpi hilabeteetan 2019an baino (eta noski, pandemiak eragindako zailtasunengatik, baita 2020ean baino) tona gehiago kudeatu dituzte. Ia %33an hazi da nasa gipuzkoarraren merkantzien trafikoa uztailera arte, datuen hobekuntzaren giltza industriaren berraktibatzeak eta automobilen esportazioek suposatu dutelarik.
Espainiar estatuko kaien igoera handienetarikoa suposatu du etxekoak, Malaga eta Almeriako portuek soilik gainditutakoa; gauzak horrela, Espainiako portuen zifrak zabal gainditzen ditu azpiegitura pasaitarrak, %5eko igoera suposatu baitute horiek, bataz beste. Bilbon, haatik, egoera oso bestelakoa da, merkantzien zirkulazioa %6ean jaitsi baita azken hilabeteotan.
Uztailera arte 2,1 tona maneiatu ditu portu gipuzkoarrak (2020ean, denboraldi berean, 1,6 izan ziren); horrek geroz eta gertuago kokatzen du kaia bere aurtengo helburutik: urtea bukatzerako 4 merkantzia tona zirkulazioan jarri izana.
