Nork irabaziko du Kontxa? Eman erantzuna HITZAn, eta lortu saria
Nork irabaziko du Kontxa? Galdera horri erantzuteko porra abiatu du OARSO BIDASOKO HITZAk. Irabazleen eta partaide guztien artean sariak banatuko ditu HITZAk, zozketa bidez.
OARSO BIDASOKO HITZAk Donostiako Kontxako Banderari lotuta, lehiaketa edo porra abiatu du. Galdera bakarrari erantzun behar diote bertan parte hartu nahi duten guztiek: nork irabaziko du Kontxa? Galdera erantzuteagatik, bi sariren zozketan sartuko dira partaideak.
Erraz egiten dira galderak, baina erantzunak badu mamia. Izan ere, emakumeen nahiz gizonen kategorietako irabazleak dira asmatu beharrekoak, eta atal bakoitzean zortzi partaide daudenez, aukerak biderkatu egiten dira. Alta, norberak badu bere faboritoa, eta horri botoa emanda ere saria lor daiteke. Noski, lehiaketan botoa emateko aukera hilaren 11ra artekoa da, Kontxako bigarren igandearen aurreko larunbata artekoa, alegia.
Lehiaketan parte hartzearen ordaina? Bi sari lortzeko zozketan parte hartzeko aukera. Honakoak dira sariak:
- Irabazleak asmatzen dituztenen artean, Donostiako Arbaso Hotelean, Sustrai gelan, bi pertsonentzako gaua.
- Parte hartu duten guztien artean, Ciudad San Sebastian katamaranean 10 pertsonentzako itsas bidaia Donostiatik zehar.
Nola parte har dezaket?
