Kirol arloko diru laguntzak bihartik aurrera eskatu ahalko dira
Ohiko diru laguntzak, arrauna sustatzekoak, ezohiko jarduerenak eta emakumeen kirola bultzatzeko diseinatutakoak, urriaren 4ra arte eskatu ahalko dira.
Kirol diru laguntzak bihartik aurrera eskatu ahalko dira. 
Pasaiako Udaleko Jarduera Fisikoaren eta Kirolaren Sailak jakinarazi du 2021eko kirol diru laguntzetarako deialdia gaur, irailak 3, Gipuzkoako Aldizkari Ofizialean argitaratu dela. Hori dela eta, eskaerak aurkezteko epea 30 egungoa izango da (urriaren 4ra arte, beraz), bihartik hasita.
Eskaerak ezingo dira aurrez aurre HAZeko bulegoetan aurkeztu, ordez, telematikoki egin beharko da izapidea udalaren webgunean. Dagokion eskari orriaren bidez egin beharko dira horiek.
Aipatutakoaz gain, derrigorrez aurkeztu beharko da honako dokumentazio hau ohiko diru laguntzen eskaera egin ahal izateko:
- Eusko Jaurlaritzako Elkarteen Erregistroan inskripzioa egin izanaren ziurtagiria, hala badagokio.
- Dirulaguntzaren xede den urteko jardueraren proiektua, edo, hala badagokio, ezohiko jarduerarena.
- Jardueren egitaraua, haiek egiteko aurreikusitako epea eta datak, metodologia, aurreikusitako helburuen deskribapena, zein biztanleria-esparruri zuzenduta dauden, etab…
- Sarreren (jatorria eta zenbatekoa) eta gastuen (kontzeptua eta zenbatekoa) aurrekontu zehatza.
- Jardueran parte hartzen dutenen izen-abizenak eta NA edo egiaztagiria.
- Elkarteak duen antzinatasunaren egiaztagiria.
- Federazioaren ziurtagiria honako datu hauekin: lizentzia-kopurua, errendimendu-lizentzien eta aisialdiko lizentzien kopurua.
- Lehiaketa-maila edo partaidetza-esparrua.
- Aurkeztutako balantze ekonomikoa zuritzen duen faktura-zerrenda.
Arrauna sustatzeko eskaerei dagokienez, honakoak aurkeztu beharko dituzte interesdunek:
- Jardueran parte hartzen dutenen zerrenda (izen-abizenak eta NA, eta matrikularen ordainagiria, halakorik badago).
- Ikastetxe edo elkarteekin egindako jarduerei dagokienez, erakunde horiekin egindako hitzarmena.
- Jarduerak egin direla egiaztatzen duten agiriak (publizitatea, hedabideetako berriak…).
- Jardueretan inplikaturiko partaideen titulazioak.
- Diru laguntzaren kopurua justifikatzen duten fakturak
- Egindako jardueren memoria laburra.
Azkenik, ezohiko jardueretarako eta emakumeen kirola sustatzeko laguntzen eskaerak eskabide orokorra erabiliz izapidetu beharko dira. Betiere, honakoa aurkeztuz:
- Egindako jardueren memoria laburra.
- Earreren (jatorria eta zenbatekoa) eta gastuen (kontzeptua eta zenbatekoa) balantze zehatza.
- Aurkeztutako balantze ekonomikoa zuritzen duen faktura-zerrenda.
Zalantzak argitzeko, HAZeko bulegoetara deitu (943 34 40 34) edo jarri harremanetan Jarduera Fisikoaren eta Kirolaren Sailarekin (luzapena: 915 / posta elektronikoa).
