Astebetean ia 7 kilogramo zabor jaso ditu Seabinak
'Mater' ontziaren itsas garbigailuak eguneko ia kilo bat hondakin jaso du azken astean; gehien jasotako hondakin handiak tabako bilgarriak izan dira.
San Pedroko portuan Mater ontzi ekoaktiboak jarritako itsas zaborrontziak azken asteko emaitzak eman ditu argitara; abuztuaren 25tik hilaren 1era arte 6,67 kilogramo zakar jaso ditu.
Gehien hauteman dutena mikroplastikoak izan dira, eta hondakin handien artean tabako bilgarriak, zigarrokinak, sokak eta litxarreri bilgarriak. Emaitzen larritasunaz penatu dira arduradunak: “Hau, tamalez, jaso daitekeen guztiaren lagin txiki bat da soilik”. Seabin Pasaia proiektuan boluntario bezala laguntzeko, mezua idatzi Mater Museoari.
